Okeh, sampe mana ya critanye... Mmmm...

Nah, kelar di Pabrik giok, kite2 dianter ke Window’s of The World! Tempat ini yg saye tunggu2 dari dulu…
Di sini isinya miniatur dari obyek wisata dunia. Indonesia kebagian Candi Borobudur. Saye pengen banget ke sini, masalahnye Ncing saye nyang pernah poto2 di miniatur Menara Eipel, taon depan nye die nyampe ke Menara Eipel beneran nyang ada di Paris. Wuaaahhh… mao kaya gitu dooong…! Saye pan pengen banget keliling dunia. Sayang nye di sini saye kecewa berat, kite keliling naek kreta wisata, nyang brentinye cuman di 3 lokasi : Menara Pissa, Mesir ama Aer Terjun Niagara. Jadi saye kaga sempet ngerasain kaya Ncing saye nyang bisa naek gondola ke atas Menara Eipel & liat2 Shenzhen dari atas.

Ada 1 lagi yg bikin saye kecewa di window selaen masalah naek kreta wisata ama gagal naek gondola… Jauh2 saye dateng dari Indonesia, ampe sini saye kaga liat show kebudayaan China di Shenzhen. Semua org yg pernah ke sini, pasti ngasih rekomen buat liat Splendid of China & ke China Cultural Village with Show. Sebel ah, kaga asik! Kite keabisan waktu n kebanyakan acara…
Oiye, konon katanye jangan coba2 ngaku pernah ke Shenzhen kalo blom pernah ke Windows of The World, & jangan ngaku2 pernah ke window kalo ga pernah poto di aer terjun Niagara. Window keren lah n harusnye Indonesia bisa bikin nyang lebih bagus dari ini.

Dari sini kite diajak ke apartemen (namanye ape ye…) yg jelas lantai 23. Disini (orang2 nyebutnye gudang) katanye terkenal banget dg barang2 bemerk yg kelas A. Maksudnye gini, barang2 yg dijual di toko tuh barang2 bemerk yg kelas B ato C, harga nye emang murah. Tp kalo di gudang emang sedikit lebhi mahal tapi kualitas nye dijamin A. Emang iye sih, begitu kite sampe sana, tuh ruangan emang penuh barang bemerk. Bikinan nye alus, malah yg dari kulit si pelayan nye brani ngebakar buat ngebukti in bahwa ntu kulit asli.

Tawar menawar di sini alot banget dah. Saye udeh megang sepatu pesenan ade saye, harga terahirnye HK$ 350 kaga mao turun lagi. Saye minta HK$ 200 tapi kaga dikasih, yaudah saye tinggal. Maksudnye sih biar dipanggil, tapi ternyata saye dicuekin. Huh sebel! Pas saye balik lagi, ternyata ntu sepatu udeh dibeli orang…

Saye liat2 jam tangan merk bagus2, pelayan nye berani buktiin mutu dg ngegetok kaca jam pake palu besi. Gile yeh, radikal amat kesan nye…! Tapi emang tuh kaca jam beneran kaga pecah, kegores aje kaga tuh. Saye rada nyesel sih di sini kaga beli jam. Abis saye pikir buat apa-an… Jam saye masing lumayan bagus koq, jam Babe n ade saye juga masing bagus. Bukan merk mewah tapi lumayan bagus lah pokoknye. Lagian target saye pan beli spatu bukan jam. Akhirnye saye kaga beli ape2 di gudang. Yg laen sih dari sini pada nenteng belanjaan, ntah ntu sepatu, tas, jam tangan, gesper, dompet ato kacamate.

Sebelom ke hotel, kite makan malem dulu di resto. Seperti biasa, makanan nye gada nyang beres (kata saye), cuman bedanye di sini pelayan nye lebih ramah di banding di Zhuhai. Kite nginep di Century Plaza Hotel, setelah ngurus ini-ntu, kite baru dapet kamar jam 10-an waktu Shenzhen. Tuh kan… Padahal janji nye waktu di Jakarta, kita bakalan diajak ke pertokoan yg ada di Louhu.

Yg saye pernah denger, di Louhu ada pertokoan nyang jual brg 1 jenis per lantai. Misalnye 1 lantai untuk jam tangan smua, atau sepatu atau tas. Waktu Ncing saye ke sini, die beli sepatu adidas model baru buat anaknye. Di cari2 di Jakarta ga ketemu, baru staon kemudian model ntu masup Indonesia pake stempel NEW. Harganye jg jauh lebih mahal dibanding beli staon yg lalu… Kabarnye, toko di Louhu ini ga slesei diputerin walo seminggu. Nah lho… Susah saye ngebayangin nye. Kaya ape sih…?

Janji tinggal janji nih kaya’nye… Tur Lider bilang kite ude kemaleman n toko2 ude pade tutup. Akhirnya saye ber 4 ama pren saye nekat nyari ntu toko sendiri. Depan hotel kite ketemu serombongan Enyak2 dari Surabaya nyang bawa belanjaan tas banyak banget. Heboh dah pokonye. Saye tanya, di mane tokonye, ape udeh tutup? Mereka kasih tau sih kudu jalan kemane & mereka bilang masing buka walo beberapa udeh mulain tutup. Mungkin kalo kite beruntung, masing bisa belanja…

Wah, kite langsung tebirit2 jalan kesono. Di tengah jalan lagi2 kite ketemu rombongan Surabaya nyang bawa belanjaan tas seabreg2 tapi kali ini Babe2 (heran ye, orang Surabaya koq pade kumpul di China beli tas, bukannye di Tanggulangin pusatnye tas…?) Mereka bilang kemungkinan tokonye udeh tutup. Sebel banget, tapi kite tetep nekat dan ternyata emang udeh tutup. Sedih…!

Dg loyo, kite balik ke hotel. Sepanjang jalan kite dicegat 3x ama pengemis. Pengemis di sini udeh pada tua & bongkok tapi necis. Lha minta2 ngacungin mangkok tapi pake dasi, rompi, sepatu… Sayang kali ini saye terpaksa kaga sedekah dulu dah. Masalahnya Yuan & HK$ saye pecahan 500. Gimane minta kembalian nye kan… Lagian kita ber 4 takut banget gara2 pengemisnye ntu maksa banget & ngejar2 kite. Serem kan?! Ditambah lagi kite udeh dipesenin supaya ati2 di China banyak copet. Kaga cuman duit/dompet, paspor kite jg bakalan di embat! Katanye paspor orang Indonesia paling laku lho… Laku buat diapain yeh…

Sampe hotel, kite langsung masak aer di teko listrik. Bukan mo minum kupi/teh tp buat nyeduh pop mie. Laper neh! Makanan di sini gada yg beres. Untungnye kite bawa pop mie masing2 4 gelas di koper. Oiye, tips dari saye, kalo kemari jgn lupa bawa saos sambel. Pasti berguna. Percaya dah…
Abis makan saye mandi, kelar mandi saye liat temen sekamar saye udeh ngimpi. Buseeettt… dari pagi kaga mandi, eh udeh malem gini pun die molor kaga mandi juga. Ampun dah! Emang sih, di sini biarpun kite cape wira-wiri tp kite kaga bekringet sama skali. Kalo di Jakarta mah pasti udeh asem banget & baunye kaya cuka pempek!

Paginye begitu buka mata saye liat kasur temen saye udeh kosong, brarti die udeh sadar bhw kali ini die kudu mandi. Saye rapih2 ransel & koper trus siapin baju yg mao saye pake. Katanye hari ini suhu turun 2 drajat, brarti 14 drajat kan tuh…
Ga kebayang dah, gimana kalo kite datang nye seminggu yg lalu, soalnya kata Lokal Gaet, seminggu yg lalu, suhu di sini mines 5 drajat… Wah!

Sarapan di hotel lumayan lah, ada rasa nye walo tetep aje ga nikmat. Depan ruang makan ada toko sopenir, saye liat2 & coba tawar menawar gelang giok. Dapet sih, harga nye 100 Yuan, walo ga yakin asli. Di situ saye jg beli liontin gambar shio nye keluarga saye. Katanye di sini lagi musim lionton shio yg gambar nye bisa muter2. 100 Yuan dapet 6 biji.

Saye keluar hotel buat liat2, bener aje… Dingin! Jam 9 pagi kaya jam 5.30 di Jakarta. Saye liat depan hotel ada 3 toko kaya butik yg udeh buka. Pasti mahal neh, tapi gapapa dah coba liat2 dulu. Bener aje… harga turis!
Setelah cape tawar menawar dg segenap kemampuan (15% bakat yg 85% nya lagi nekat) pk bahasa Inggris ala tarsan, ahirnye saye berhasil bawa ransel EPOLBAG ama tas kantor BOSS masing2 200 Yuan. Mahal sih, tapi yasudahlah…

Hari ini jadwal kite ke Hongkong & harusnye acara bebas belanja, siangnya giliran maen2 sepuasnye di Disneyland. Tp apa? Sebelom cabut dari Shenzhen kita malah diajak ke toko jamu alias tempat bikin ramuan Tiongkok. Kita dikenalin dg Profesor Wu trus satu-persatu (29 org!) dipreksa kondisi badan nye. Yg sehat ya dibilang sehat, yg sakit dibikinin ramuan Tiongkok supaya sembuh. Ada yg cukup untuk sebulan aja, ada yg kudu minum selama 6 bulan.

Saye sih dibilang bagus, sehat, gada kolesterol, gada asem urat (ini pas banget dg hasil medikal cek ap saye yg trahir) tapi die bilang, saye ini agak ndut bukan karna makanan. Kata nye ada nyang salah ama hormon saye. Nah lo… Apa-an neh…?! Kalo salah mah di ma’apin aje kali yeee… Saye dibikinin ramuan yg katanye cukup saye minum selama 2 bulan, hormon saye bakalan normal. Masa sih? Brarti abis itu saye langsing dong? Heheheee… Yaudahlah akhirnye saye beli tuh ramuan 700 Yuan untuk 2 bulan. Bismillah dah, kali aje beneran saye bisa langsing (uhhuy!) Ada temen saye yg ndut juga tapi die kaga disuruh minum ramuan, malah prof Wu bilang “kamu olah raga aja yg rajin, baru bisa langsing…” Hahahaaa… emang enak!

Oiye, ada yg Prof Wu bilang (ga tau nye die bisa ngeramal. Saye sih ga minta diramal, tp die sendiri yg langsung bilang) Katanye saye bakalan “……………………” (rahasia dong ah!) Saye jadi malu! Abis dah saye jadi bulan2an semua org. Bener ato kaga ramalan si prof Wu, wallahu ‘alam. Saye mah asik2 aje, kalo ada yg bilang tentang yg baik2, saye jadi in itu spirit. Tapi kalo diramal yg jelek2 sih saye langsung lupain. Ngapain, ntar tersugesti malah jd paranoid…

Dari toko jamu, kite keluar imigrasi Shenzhen dulu, setalah itu masup ke imigrasi Hongkong. Seperti biasa dah… lagi2 kite direpotkan dg nyeret2 koper plus wira-wiri bawa2 paspor. Di imigrasi HK saye dapet sedikit kendala. Petugas nye tuh rese banget. Saye dihambat dg pertanyaan bertubi2. Bete dah! Dari mulain asal saye dari mane (alesan! Kan die bisa baca di paspor), ngapain ke HK, brapa hari, nginep di mane. Meriksa saye doangan sendiri ampe setengah jam-an lah, padahal yg udah2 paling cuman 3menit. Kan cuman preksa keaslian paspor, nyama in poto, stempel n nulis2 dikit. Udeh gitu doang. Saye udeh kebat-kebit aje… Waduh, saye mo diapain neh, mang nye tampang saye kaya teroris…? Temen2 saye yg pada ngantri di blakang saye jadi ikut2an kuawatir. Pas saye liwat & giliran temen saye, ternyata tu petugas nanya ama temen saye, apa saye udeh merit? Ih, najong bencong! Nyebelin banget…
Oiye, abis ngantri preksa paspor, di pintu kluar kite juga dicegat ama tim kesehatan bandara. Mata kite disenter2 pake alat putih nyang bentuk nye kaya pestol tapi di ujung nye ada lampu kecil. Tau tuh buat apa an. Takut bawa pirus plu burung kali. Prasaan Hongkong dah yg pertama kali burung2nye pd kena plu…

Di perjalanan, Lokal Gaet ngewanti2 supaya ati2 di HK copet nye pake grup (wah, di Jakarta pan juga gitu yeh…) Jadi kalo nyimpen duit kudu dipisah2, supaya kalo misalnye apes kena copet, masih ada duit di kantong laen. Katanye bukan pemandangan aneh kalo liat orang di jalan lagi kejar2an ama copet. Walo sama aja kaya di Jakarta, tetep aje serem. Saye kudu treak bilang apa kalo misalnye kejar2an ama copet? Jangan2 saye dikirain lagi main petak jongkok…!

Trus katanye lagi, kita ga boleh sembarangan nyebrang. Kalo belom ijo kudu sabar, soalnye nanti kena denda HK$ 5.000. Waduh, bayangin aje dah, gimana ga nyesek kalo cuman gara2 salah nyebrang kena denda sekitar Rp. 5.880.000 alias nyaris 6 jeti! Gile bener kan... Dah gitu kaga boleh buang sampah, ngeludah & ngerokok di sembarang tempat. Ini denda nye HK$ 1.500. Pantesan HK bersih banget. Dan bukan pemandangan aneh kalo ngeliat orang ngerokok di samping tong sampah. Soalnye emang di situ satu2 nye tempat bagi perokok. Di taman, di ruang tertutup & di jalan dilarang ngerokok. Rasain…!

Dari Shenzhen menuju Hongkong Island kite ngelewatin Cing Ma Bridge. Katanye sih ini jembatan terpanjang di dunia. Masa sih? Kaya nye itu cuman prasaan org Hongkong aja tuh…
Di HK rmh nya kecil2, itu pun bukan rumah tapi flat. Yg punya duit banyak sih bisa nyewa flat yg bagus model apartemen gitu. Tapi rata2 flat nya kecil sih, ga beda ama flat di Jakarta, yg banyak glantungan jemuran baju di jendelanye....
Kata Lokal Gaet, flat di HK tuh cuman ruangan blong doang kaga ada kamarnya. Dapur & kamar mandi bareng2 di luar flat. Jadi yg punya anak gadis siap2 direpotin kudu nganterin kalo tengah malem kebelet mo ke jamban. Sewa flat yg model gini sebulan HK$ 800 (kali aja ada yg minat tinggal di HK…) Kalo flat yg mewah paling murah HK$ 3.000 (lebih murah ketimbang bayar denda gara2 salah nyebrang)

Di HK dilarang judi kasino, soalnye ude dikasih tempat kan di Macao. Tapi kalo taruhan di pacuan kuda sih boleh. Mereka itu ikut taruhan di pacuan kuda seminggu 3x : hari Rebo, Sabtu ama Minggu. Kalo cuman maen Mahjong sih boleh. Kata mereka, maen Mahjong tuh obat anti pikun. Cara maen nye gimana…? Ya mene ketehe…!

Oya, kalo di China (kaya di Shenzhen), punya anak tuh dibatasin cuman boleh 1 org doang. Kalo di HK sih boleh brapa aje, tapi ternyata surpey membukti kan bahwa orang2 HK pada ga mao punya anak. Soalnye repot, kalo anak udah umur 6 th tapi belom disekolahin, ibu-bapak nye bisa masup bui.
Begitu nyampe Hongkong, kita dianjak ke JC Jewellery Workshop. Pas dah ama namanye “JC” soalnye Jacky Chan tuh salah satu nyang punya. Di sini gada 1 pun dari kite yg beli. Selaen mahal, kite2 pada berasa abis dirampok di toko jamu. Saye sih cuman 700 Yuan, ada temen saye yg ampe ribuan Yuan kaga bisa ditawar. Tapi tuh ramuan jadi dibeli karna semuanye sesuai dg yg dirasain & yg Prof Wu bilang sesuai dg hasil medikal cek ap masing2 waktu di Jakarta. Yasudahlah, kun fayakun aja…

Dari JC Jewellery kite ke Avenue of Star. Masup sini, kite di sambut Clock Tower. Ini bangunan tinggi yg atas nye ada jam. Model jam gadang kalo di Padang. Di Bengkulu juga saye pernah nemu yg kaya ginian. Standar dah, tapi ini termasuk andalan HK Island.
Avenue of Star nih tempat piknik nye TKW dari Indonesia kalo lagi wik en. Kebeneran rombongan saye ke sini pas hari Minggu, jd di sini ketemu ama TKW Indonesia yg lagi pd liburan. Status nye sih pembokat ato tukang momong orok (baca : baby sitter), tp gaya nye ntu lho… Slangit & modis banget dah! Rata2 mereka tuh pd pake sepatu boots warna-warni. Ada yg pink, merah, ungu… bajunye juga pangkeh abis dah! Saye jadi inget Maia Ahmad, Mulan Kwok, Pinkan Mambo ato Agnes Monica. Ya seperti itu lah dandanan nye kira2… Udeh bisa bayangin belon? Gampang aje nyari mereka, soalnye mereka pd ngomong pake bahasa jawa.

Saye sempet jg ngobrol2 ama mereka, beberapa ada yg kampung nye di Sumatra juga sih. Gaji mereka rata2 HK$ 3.500 itu minimal. Kalo yg majikan nye baek, bisa lebih. Kalo wik en kaga ngambil liburan, ada uang lembur nye. Saye pikir2, kalo takdir saye jd orang yg nasibnye mlarat-rat-rat, pastinye saye sekarang ada bareng mereka ngkali… Untungnye biarpun kaga belebihan, idup saye sekeluarga alhamdulillah kaga susah2 amat. Mereka rata2 udeh di HK 3th & katanye sih betah banget tinggal di sono. Ya iyalah… kerjaan enteng, gaji minimal Rp 4,2 juta sebulan, wik en libur. Di Jakarta mana ada yg bayar pembokat segitu? Yg ada mah udeh gajinye kecil, diutangin, pake bonus dikemplang majikan, disetrika ato disiram aer panas segala (horor ih…!)

Avenue of Star isinya tanda tangan artis2 HK yg di semen di jalanan. Lokasi nye di pinggir laut gitu dah, ngadap ke pelabuhan & di pagerin. Gimana yeh crita nye…? Pokoknye bagus dah, slaen bisa poto2 di tanda tangan artis HK, pemandangan nye ntu lho… Kalo pernah liat brosur2 Pisit Hongkong di koran, ya kaya gitulah karna biasa nye gambar dari sini yg dipake untuk brosur. Ato gini… pernah liat pideo klip nye Dirly n Ghea Idol ga? Itu lho, yg ada Yovie Widianto nye. Nah, mereka syuting nye disini. Saye pun sempet poto di patung sutradara n kameramen kaya Ghea trus di deretan bintang2 yg lima itu kaya Dirly... Pura2nye saye artis Indonesian Idol gitu… (heee gatau malu ngaku2 padahal suara kaya kaleng rombeng…) Sayang kite datengnye siang2, coba malem… kaya nye keren banget tuh, soalnye banyak lampu berwarna-warni…

Harusnye dari Avenue of Star kite ke Repulse Bay & Bauhinian Square. Tapi berhubung waktu kaga cukup & kite ada jadwal ke Disneyland, saye jadi gatau ada ape sih di dua lokasi ntu… Tp yg jelas Bauhinian tuh bunga khas nye China. Warna nye pink ada putih2 nye, trus daun nye antik karna bentuk nye kaya sayap kupu2. Sepanjang jalan di HK kite bakalan sering2 ketemu pohon nye nyang lagi berbunga. Indah!

masih bersambung lagi lho...

Label: plesir